amalinks wokungena

Breaking News

Inhloko Zendaba Mpandula 12, 2018


Inhloko ZeNdaba
Inhloko ZeNdaba

Endabeni zethu lamhlanje ……………..

************ Uhulumende uthi liqhubeka liqansa inani labahlaselwa yisihudo seCholera le Typhoid ngakhoke sokuzothathwa amanyathelo alukhuni abalisa ukuthumela amapholisa emizini eqalele lumkhuhlane eye Glenview le Budiriro ukuxotsha ezithaladeni abaphila ngokuthengisa ngoba beyibo abasalalisa lumkhuhlane.

*********** Omama edolobheni leGwanda bathi amakhansila asanda kukhethwa kumele alungisise udubo lokuswelakala kwamanzi kulelidolobho. Lokhu kuvele emhlanganweni wabomama lamakhansila obuqoqwe yinhlanganiso yeWomen In Leadership Development WILD.

************** Abaphila lobugoga basola ukusilela kosekelo olungabaphathisa ezifundweni lokubala ezikolo, emakolitshini amaUniversity laseziphaleni zengwalo zama Library.

*********** Ele Sweden lisungule uhlelo lokuphathisa izakhamizi zemaphandleni ukuthola amandla kagetsi avela elangeni awe solar olubiza izigidi eziyisithupha lengxenye-$6,5million, ukuze basungule imisebenzi yezandla yokuziphilisa lokuzithuthukisa.

********** KuLiveTalk namhlanje kuhlelo lwabe Zimbabwe asebehlala emazweni olwe “Diaspora Forum” siphatha imizamo eyenziwa ngabasemazweni ukubuthanisa imali yokunceda ukulwisana lodubo lokuqhamuka komkhuhlane weCholera e Zimbabwe. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Inhloko zendaba,Mpandula 12, 2018
please wait

No media source currently available

0:00 0:02:13 0:00

XS
SM
MD
LG