amalinks wokungena

Breaking News

Inhloko ZeNdaba Mpandula 13, 2021


Abogatsha lwezempilakahle babika ukuba sebeyizigidi phose ezintathu– 2,845,148, asebehlatshwe ijekiseni yakuqala eyeCovid 19 Vaccine, lokhe lwaqalayo lolu hlelo eZimbabwe. Sebephose bafike izigidi ezimbili - 1,863,136, asebehlatshwe ijekiseni lesibili.

Ibandla leMDC Alliance lithi lizakhulumisana lozulu lingakethuli ibizo elitsha kulandela ukuhluthunwa komanyano lo ngele MDC-T elikhokhelwa nguMnu. Douglas Mwonzora elithi lizaxotsha bonke abadlelana loMnu. Nelson Chamisa kusukela ekupheleni kuka Mpandula.

Abazali labafundi bamukele ngenjabulo ukwengezelelwa kwamalanga okubhalisela ukubhala imihloliso yeOlevel le Alevel. Inhlanganiso ebona ngokubhalwa kwemihloliso eyeZIMSEC ithi ukuvulwa kokubhadalela imihloliso kuzamiswa mhlaka 30 Mpandula.

Uzulu utshengisa uveza ukukhathazeka ngesaziso esisanda kwethulwa ngabenkampani yamandla kagetsi eye Zimbabwe Electricity Transmission & Distribution Company - ZETDC ukuthi sebezoqhuba uhlelo lokucitshela abantu lamankampani amandla kagetsi ngoba ifuna ukulondoloza akhona wona asemalutshwana ngemva kokuqhamuka kodubo lokungasebenzi kuhle kwemitshina esititshini seHwange kanye lokuthi kulomsebenzi wokulungisa idamu le Kariba osekubangele ukucitshwa kwemitshina ephehla ugetsi.

Kababoni ngaso linye abalandeli bomdlalo wenguqu phezu kosekelo lwemali oluvela kunkampani ye Sakunda olubikwa luzaphiwa amaqembu abalisa ele Highlanders kanye lele Dynamos.

Ku Livetalk namhlanje sikhangela isimo sokumelana leCovid 19 kanye lokuqhubeka kohlelo lokuhlatshwa kwabantu ijekiseni yokuzivikela kulei gcikwane.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG