amalinks wokungena

Breaking News

Inhloko ZeNdaba Mpandula 14, 2020


Idolobho le Harare lokhe likhokhela ngokuba Labantu abanengi asebebanjwe beleCovid 19, beinkulungwane ezedlula ezintathu-3,175, lilandela yi Bulawayo esilabedlula inkulungwane eyodwa-1,358. Sebezinkulungwane ezedlula eziyisikhombisa lengxenye -7,526 asebetholakale belegcikwane leli eZimbabwe.

Umkhokheli wenhlanganiso yezifundi zemakholitshini, eye Zimbabwe National Students Union (Zinasu) uMnu Takudzwa Ngadziore uphiwe imvumo yokuhlawulela isibambiso sebheyili senkulungwane ezimbili zmadola eZimbabwe, RTGs$2,000.

Olwela amalungelo oluntu uNkosikazi Cora Ndebele useqale ikhitshi lokuphekela abantu ukudla kungelanhlawulo ngizamo yokumelana lendlala ngesikhathi ilizwe libhekane lobhubhano lweCovid-19.

Abantu abalesifo setshukela ese diabetes bakhuthazwa ukuba baqinise indlela zokuzinakekela ngalesi sikhathi, amazwe womhlaba emelana lesifo seCovid 19, ngoba bengabhekana lengozi enkulu nxa bengathelelwa igciwane leli.

Ku Livetalk namhlanje sikhangela isimo esiselizweni kwezombusazwe kanye lesokumelana leCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG