Sebezinkulungwane ezedlula eziyisikhombisa lengxenye -7,531 asebetholakale beleCovid 19 eZimbabwe. Phakathi kwalelo nani abazinkulungwane phose eziyisithupha-5,690, sebesile kulelo gcikwane, labulala abedlula amakhulu amabili-224.
Uzulu weHarare kanye labenhlanganiso ezisebenzisana lozulu usola ukumiswa umsebenzi kwamaKhansila aleli dolobho, besithi kuzophazamisa ukusebenza kukaManisiphala kanye lokumelwa kukazulu kwezombusazwe ngasikhathi sinye abeZanu Pf sebevele sebekhankasela ukuba kubunjwe iCommission ezaqhuba umsebenzi wekhansili.
Abenhlanganizo yeMISA Zimbabwe batshayela uhulumende weMalawi ihlombe ngomthetho wabo olawula ukutholakala lula kolwazi elizweni oweAccess to Information Act , bekhuthaza amanye amazwe anjengeZimbabwe ukuba alandele isibonelo esihle lesi lawo abe lemithetho engcono eyenza uzulu afinyelele lula ulwazi ayabe eludinga.
Intsha yeZimbabwe yamukela ngenjabulo uhlelo olusanda kusungulwa yikomishini elawula indaba zenkohlakalo eyeZimbabwe Anti- Corruption Commission, olwe Whistle Blower App, okuyindlela uzulu angathumela ngayo imibiko yezehlakalo zenkohlakalo ezenzakala endaweni ezitshiyeneyo zelizwe.
Uhlangothi olubona ngokuhlelwa kuhle kwemuli olweZim National Family Planning solusungule uhlelo lokunikeza abasakhulayo ulwazi lemfundiso lwendlela zokuvikela ukuzithwala bengakazimiseli.
Ku Livetalk namhlanje kuhlelo lwabatsha olwe “The Connection” sikhangela uhlelo lwekomishini yeZACC olwe Whilstle Blower App, lwendlela uzulu angathumela ngayo imibiko yezehlakalo zenkohlakalo ezenzakala endaweni ezitshiyeneyo zelizwe..
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…
Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.