amalinks wokungena

Breaking News

Inhloko ZeNdaba Mpandula 17, 2021


Abantu abaphose bafike inkulungwane ezingamatshumi amabili-16,377 abahlatshwe ijekiseni eyeCovid 19 Vaccine, izolo, bakhuphule inani lasebehlatshwe ijekiseni le okwakuqala laya kuzigidi phose ezintathu– 2,908,514, lokhe lwaqalayo lolu hlelo eZimbabwe. Sebephose bafike izigidi ezimbili - 2,001,987, asebehlatshiwe ijekiseni lesibili, kubika abogatsha lwezempilakahle.

Imihloliso ebhala ngabafundi yokuphutshisa izifundo zikaGrade 7, iO’level le A’ Level izabhalwa ekupheleni kuka Lwezi kusiya kuMpalakazi. Lokhu kuvezwe ngumsekeli kamphathintambo wezemfundo ephendula imbuzo edale lephalamende.

Inengi labamabandla ezokholo bathi sebezolandela okwethulwe liqula labaphathintambo abanqume ukuthi amakholwa ahlatshiweyo ijekiseni lokuzivikela kuCovid 19 yibo abavunyelwa ukungena izinkonzo elizweni hatshi okwanqunya lidale kuviki ephelileyo.

Abenhlanganiso emela imisakazo yezabelo eye Zimbabwe Association of Community Radio Stations (ZACRAS) bamukele ngenjabulo isinqumosokuphiwa imvumo yokusakaza kwemisakazo yezigaba eyisificaminwemibili-8, besithi lokhu kuveza ukuthuthuka komsebenzi ukuthukululwa kwamagagasi lokuvuleka kwamathuba okuvulwa kwemisakazo eminengi eZimbabwe.

AbeZimbabwe abaphila ngokuthenga bethengisa imphahla emazweni afana leBotswana leSouth Africa bakhuthaza uhulumende ukuthi avumele labo asebehlatshiwe ijekiseni yeCovid-19, ukuthi bechaphe imingcele besiyakwenza ibhizimusi.

KuWoza Friday namuhla sileqembu elihlabela ingoma zokholo elizibiza ngokuthi yi‘Malibongwe Izwi Lokuphila’ liphethe idlalade lalo elitsha.

Ku Livetalk namhlanje sikhangela okuqhubeka kokumelana lesimo seCovid 19 eZimbabwe lezinye indaba.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG