Liqonge laya kwabazinkulungwane phose eziyisithupha 5,842, abasinde kugcikwane leCovid 19, ngesikhathi sebezinkulungwane ezedlula eziyisikhombisa-7,633, asebefunyenwe belegcikwane leli eZimbabwe, labulala abangamakhulu edlula amabili-224.
Abantu abangaziwayo bahlasele abafundi kanye lentathelizindaba emhlanganweni lapho obekukhuluma khona umkhokheli weZINASU uMnu. Takudzwa Ngaziore eduzane le Impala Car Rentals eHarare.
Ngesikhathi sokusele insuku ezingatsho lutho ukuba izikolo zivulwe ukuze abantwana balolongele ukuloba imihloliso, ababalisi bayakhonona ngeholo labo lesimo sezikolo bethi akula kuvikelwa ekuthelelweni iCovid 19.
Ikhomisheni ebona ngezokulwisana lenkohlakalo eye ZACC ibikwa icubungula iziphathamandla zikamanisipala wako Bulawayo.
Kuhlelo Woza Friday liviki, silomculi wakoBulawayo uGetron Sibanda ohamba ngegama lokuthi Ghettie Diamond kwezomculo yena ehlabela umdumo awubiza Housekwasa le Afro Pop.
Ku Livetalk namhlanje sikhangela ukuvulwa kwezikolo ngemva kokuvalwa okwesikhathi eside ngenxa yokuqhamuka kweCovid 19 kodwa ababalisi bekhala ngokuthi kabavikelekanga ekuthelelweni leli gcikwane.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…
Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.