Abazali abanengi baseZimbabwe bakhala ezimathonsi ngodubo lwabantwana abangamantombazana asezithwala kanye lokwenda besesebancane okulakho ukuphazamisa impilo zabo. Lokhu kuvele ngesikhathi sokuyekethiswa kweziqondiso zeCovid 19 Lockdown inengi lamantombazana selehluleke ukubuyela esikolo lapho zivulwa.
Emizameni yokumelana lokumemetheka kweCovid 19, uhulumende we Zimbabwe ubika ukuba usenelise ukuhlaba abantu abedlula izigidi ezimbili-2,065,395 ngokugcweleyo ijekiseni lokuzivikela emkhuhlaneni ele Vaccine, kuthi abangakaqedisisi ukuhlaba sebephose bafike kuzigidi ezintathu-2,949,025.
Uzulu weZimbabwe ukhuthazwa ukuba amanyane, atshiyane lomkhuba wokuthukana lokubandlululana ngemihlobo njalo ahloniphe izimiso zoBuntu ukuze kube lokuthula uqobo lokukhumisana umlotha elizweni. Linkuthazo yenziwe ngabekomishini ebona ngezokukhankasela ukuthula elizweni, eye National Peace and Reconciliation Commission.
Samukelwa ngemizwa ehlukeneyo yizakhamizi zakoBulawayo isinqumo esithethwe yikhansili yaleli dolobho sokuqinisa umthetho wokuzijezisa ngokuhlawulisa amadola eZimbabwe azinkulungwane ezinhlanu-(RTGS$5,000) abanikazi bendlu nxa ingabhalwanga inombolo ngokuchachileyo.
UMongameli Emmerson Mnangagwa usekhethwe ngamalunga ezabelweni zonke ukuba abenguye yedwa ozancintisa emele ibandla leZanu PF kukhetho lukamongameli oluzakwenziwa ngomnyaka ka2023.
Ukaputeni weqembu lomdlalo wenguqu ele Highlanders uAriel Sibanda uthi akusacatsheki ngomunwe nxa iqembu lingadlali kuhle ngemva kokuthola kwalo usekelo lwemali oluvele kwabenkampani eyeSakunda Holdings, esithi sokuzamele babophe ziqine bengafuni ukuyangisa.
Ku Livetalk namhlanje sikhangela ukuqhubeka komsebenzi wokumelana lesimo seCovid 19 eZimbabwe lezinye indaba.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.