amalinks wokungena

Breaking News

Inhloko ZeNdaba Mpandula 21, 2020


EleZimbabwe selifikise iviki yonke kungela osebulewe yiCovid 19, inani labafileyo lokhu likumakhuu edlula kancane amakhulu amabili-224. Okwamanje sebezinkulungwane ezedlula eziyisikhombisa-7,683, asebefunyenwe belegcikwane leli elizweni jikelele.

EleZimbabwe namhlanje limanyane lamazwe womhlaba ekunanzeni ilanga lokukhuthaza ukuthula ele International Peace Day, ingcwethi ezicubungula ezokuthula zisithi kumele ezombusazwe ziphathwe ngonanzelelo olukhulu abantu bafunde ukuphilisana laloba belemibono ehlukileyo ukuze ukwehlukana kwabo kungabangeli udlakela.

Lamhlanje inkampani yencingo eyeNet One inikeze isibhedlela seMpilo koBulawayo isipho sokugqitshwa kwenhlelo zokusiphathisa ezigoqela umgodi wamanzi, ukulungisiswa kolunye uhlangothi lwayo lokunye.

AbeZimbabwe abahlala kweleSouth Africa bemukela ngendlela ezitshiyeneyo ilockdown level 1 eqale lamhlanje.

Aselungiselela ukuqala kwemidlalo amaqembu adlala esigabeni se Premier Soccer League

Ku Livetalk namhlanje sikhangela inxabangxoza esiqhamuke kumanyano wamabandla ezombusazwe oweMDC Alliance sokungasazwisiseki ukubana umanyano lo ubunjwa ngubani.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG