amalinks wokungena

Breaking News

Inhloko ZeNdaba Mpandula 21, 2021


Umbukiso weZimbabwe International Trade Fair uqale lamhla kulabantu abalutshwana ababukisayo njalo bathi balethemba lokuthi bazathola ibhizimusi.

Amapholisa abopha okwesikhatshana umkhokheli wenhlanganiso yeIbhetshu Likazulu uMnu. Mbuso Fuzwayo obeqhuba umbuthano ophathelane leGukurahundi ngesikhathi kunanzwa ilanga leInternational Day of Peace namuhla.

Emizameni yokumelana lokumemetheka kweCovid 19, uhulumende we Zimbabwe ubika ukuba usenelise ukuhlaba abantu abedlula izigidi ezimbili-2,082,043 ngokugcweleyo ijekiseni lokuzivikela kuleli gcikwane, kuthi abangakaqedisisi ukuhlaba sebephose bafike kuzigidi ezintathu-2,962,145.

Kwezomnotho: Sicubungula ukuthi imbukiso ye Zimbabwe International Trade Fair leIntra-Africa Trade Fair ingathuthukisa izinga lokuthengiselana lamanye amazwe.

Ku Livetalk namhlanje kuhlelo lwabatsha olwe “The Connection” sikhangela ukuqansa kwenani labafundi ezikolo asebebanjwa yiCovid 19 kanye lomsebenzi wokulwisana lokumemetheka kwaleli gcikwane eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG