amalinks wokungena

Breaking News

Inhloko Zendaba Mpandula 21, 2018


Inhloko ZeNdaba

Endabeni zethu lamhlanje ……………..

************** Amapholisa abehlome ngezikhali ezigoqela induku lemibhobho edubula intuthu ehitshayo angene eMedia Centre ngodlame ukuzabopha uMnu. Promise Mkwananzi owe Tajamuka/Sesijikile esemhlanganweni lentathelizindaba obuphezu kokubotshwa kwabaphila ngokuthengisa ezitaladeni zedolobheni le Harare.

*********** Umongameli Emmerson Mnangagwa osedolobheni leNew York khonapha eMelika, elande umhlangano wenhlanganiso yomanyano wamazwe womhlaba owe United Nation General Assembly-UNGA, ukhangelelwe ukuhlangana lezizalwane zeZimbabwe esezihlala eMelika ngeSonto.

************ Inengi labantu e Zimbabwe likhathazekile ngokuqonga kwezehlakalo zengozi zomgwaqo elizweni ngemva kwengozi ezimbili ezenzakele izolo ezigoqela eyebhasi ebiqonde kwele South Africa ePokolwane.

*********** Abenhlanganiso yabadabuka emazweni ezwekazi labensundu, asebehlala kweleSouth Africa eye African Diaspora Forum bathi bakhathazekile kakhulu ngenani labotsheketsha begolide bakwamanye amazwe abafela emigodini yakweleSouth Africa.

*********** Kwezemidlalo…………Umqeqetshi weqembu le Highlanders uMadinda Ndlovu uthi kumele baphutshe imidlalo yalonyaka bephakamise inkezo ye Chibuku Super Cup ukuze kucace ukuba kulengqubelaphambili ekwakheni kwakhe kutsha iqembu le Bosso.

********** KuLiveTalk namhlanje sikhangela ingxabangxoza eqhubeka phakathi kwamapholisa labaphila ngokuthengisa ezithaladeni. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Inhloko ZeNdaba ZesiNdebele, 21 Mpandula, 2018
please wait

No media source currently available

0:00 0:02:21 0:00

Facebook Forum

XS
SM
MD
LG