amalinks wokungena

Breaking News

Inhloko ZeNdaba Mpandula 22, 2020


Inani lasebebulewe yiCovid 19, eZimbabwe, selikumakhulu edlula kancane amabili-226. Sebezinkulungwane phose eziyisitshiyagalombili-7,706, asebefunyenwe belegcikwane leli elizweni jikelele, kwasinda abazinkulungwane phose eziyisithupha-5,948.

Ababalisi ilizwe lonke bathi kabayi kubuyela emsebenzini ekuvulweni kwezikolo mhla ka 28 Mpandula nxa uhulumende engasabahlawulanga iholo elenela indleko zabo zansuku zonke.

Ikhansili yedolobho lakoBulawayo isiqalile uhlelo lokuthapha imibono kazulu mayelana lebudget yomnyaka ozayo kanye kabakukhangelele ukuba izakhamizi zikuhlawule kukhansili. Izakhamizi zona zikhala ngokuthi inhlawulo ehlelwa ngukhansili ayisibo bonke abazayenelisa njalo akuyisibo bonke abazaphatheka ekupheni imibono yabo ngoba ukuba sebulenjini kudula.

Aselungiselela ukuqala kwemidlalo amaqembu adlala esigabeni se Premier Soccer League

Ku Livetalk namhlanje kuhlelo “The Connection” sikhangela ukuthi abasakhulayo sebephume lamacebo bani ngesikhathi seCovid 19 Lockdown, okuthuthukisa amabhizimusi abo.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG