amalinks wokungena

Breaking News

Inhloko ZeNdaba Mpandula 22, 2021


Umsekeli kamongameli uMnu. Constantino Chiwenga namuhla uvule ngokusemthethweni umhlangano wabosomabhizimusi, oweInternational Business Conference, owenzelwe embukisweni wezokuthengiselana oweZimbabwe International Trade Fair osaqhubeka koBulawayo.

Abogatsha lwezempilakahle babika ukuba sebenelise ukuhlaba abantu abedlula kancane izigidi ezimbili-2,106,898 ngokugcweleyo ijekiseni lokuzivikela kuCovid 19, kuthi abangakaqedisisi ukuhlaba sebephose bafike kuzigidi ezintathu-2,976,512.

Izizalwane zeZimbabwe kweleSouth Africa zitshayela uhulumende weSouth Africa ihlombe ngokuvumela amabandla ezombusazwe wonke ukuthi akhankase santando engaphanjaniswa loba ukuvinjwa ngamapholisa kumalungiselelo okhetho lwezabelo oluzaqhutshwa ngo Lwezi.

Ihofisi yommeli weZimbabwe kweleBotswana ithi ayikakhulumisani leziphathamandla zakulelozwe phezu kodaba lokuntshontshwa kwenkomo ngabadabuka kweleZimbabwe emzini esemngceleni yamazwe womabili. Umongameli Mokgweetsi Masisi, ngeviki edluleyo, utshengise ukukhathathezeka esithi abavela eZimbabwe behlomile, bantshontsha inkomo njalo sebedale ukuthi ezinye izakhamizi zibaleke zitshiye imizi yabo.

UMongameli Emmerson Mnangagwa ukhangelelwe ukwethula umbiko wakhe oqakathekileyo kusasa emhlanganweni weUnited Nations General Assembly lapho alakho ukukhuluma ngezijeziso zenotho ezafakelwa inkokheli yabebandla leZanu PF ngamazwe angentshonalanga, uhlelo lokuhlaba uzulu ijekiseni yokuzivikela kumkhuhlane weCOVID-19 lokunye.

Umncintiswano wenguqu owabafana abaleminyaka engaphansi kwelitshumi lesikhombisa oqoqwa yinhlanganiso ye Marvelous Nakamba Foundation awusekuba khona lonyaka njalo abaqoqi bawo usuzaqala ngomnyaka ozayo.

Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG