amalinks wokungena

Breaking News

Inhloko ZeNdaba Mpandula 23, 2020


Lokhu bengamakhulu edlula kancane amabili-226 asebebulewe yiCovid 19, eZimbabwe. Sebezinkulungwane phose eziyisitshiyagalombili-7,711, asebefunyenwe belegcikwane leli elizweni jikelele, kwasinda abazinkulungwane phose eziyisithupha-5,979.

UMongameli Emmerson Mnangagwa, umanyane leinye inkokheli yamazwe womhlaba ekusungulweni komhlangano okusemthethweni umhlangano wamazwe womhlaba oweUnited Nations General Assembly. UMnangagwa ukhangelelwe ukwethula amazwi akhe kulumhlangano kusasa, eseZimbabwe njengoba umhlangano walonyaka usesenzelwa ebulenjini ngoba inkokheli ingenelisi ukubuthana njengeminyakeni eNew York ngenxa yeCoronavirus.

Amalunga enhlanganiso yezisebenzi kweleSouth Africa eyeNumsa lezinye inhlanganiso batshengisele esigodlweni sommeli weZimbabwe, ePretoria besithi basola ukubusa ngocuku loncindezelo kukahulumende weZanu PF.

Abalimi bemhlubulweni weMandebeleni bakhuthazwa ukuba bathenge inhlanyelo ezivuthwa masinya kumavinkili aziwayo enhlanyelo ukuze benqabele udubo lokuthengiselwa inhlanyelo eyesiphamaso ezaphinda ibahluphe ingabaphi isivuno esihle ngoba bekhona abalakho ukubaqilibezela ngokubachatemela phandle kwamavinkili bebathengisela inhlanyelo ehuqwe ngombala ohambelana lenhlanyelo yemavinkilini.

Aselungiselela ukuqala kwemidlalo amaqembu adlala esigabeni se Premier Soccer League

Ku Livetalk namhlanje kuhlelo “Diaspora Forum” sikhangela okuphuma emhlanganweni omkhulu wenhlanganiso yomanyano wamazwe womhlaba oweUnited Nations General Assembly, lonyaka owenzelwa ebulenjini ngenxa yeCoronavirus.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG