Abantu abalitshumi lane-14, abatholakale beleCovid 19, eZimbabwe, kwabahlolwe ekutshoneni kwelanga langoLwesithathu, bakhuphule inane lasebefunyenwe belalo lokhu laqhamuka elizweni ngoMbimbitho, kunkulungwane phose eziyisitshiyagalombili-7,725.
Izakhamizi zedolobho lakoBulawayo zidla amahabula ngokukhuphulwa komthelo wamandla kagetsi ngesilinganiso senxenye yekhulu-50%, ngabenkampani yeZesa kusukela ngoLwesithathu.
Izisebenzi zemauniversity kahulumende eziphansi kwenhlanganiso ye State Universities Staff Association Representatives zithi kazenelisi ukubuyela emsebenzini ngoba zingela mali yokuhlawulela indleko yokuhambisa.
Abenhlanganiso yababalisi eyeAmalgamated Teachers Union of Zimbabwe – ARTUZ bathi sebethole izaziso zokutshiya umsebenzi zababalisi bezifundo ze Science abedlula amakhulu amabili ( 220 ) kusukela ngenyanga kaZibandlela. Lokhu kukumpumela yophenyo abalwenzileyo olwe “EDUCATION CRISIS REPORT” oluveza isimo esikhona kuhlangothi lwezemfundo ngesikhathi seCovid 19 Lockdown.
Abadlali benguqu bakhuthazwa ukuba baqale inhlelo ezizabatholisa inzuzo ngesikhathi sebethethe umhlala phansi.
Ku Livetalk namhlanje kuhlelo “Asiyihluzeni Bomama” sikhangela okwenzakala elizweni okwamanje kwezombusazwe, ezenotho lazenhlalakahle kazulu ukuthi lesi simo sithinta abesifazana ngayiphi indlela.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…
Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.