amalinks wokungena

Breaking News

Inhloko ZeNdaba Mpandula 24, 2021


Uhulumende uthi imthethwandaba yonke elizweni izasebenzisa imitshina yobulembu ukuthetha amacala kulokuthi abantu behlangane mathupha, ukwenzela ukwenqabela ukumemetheka kweCOVID 19.

Abazali kanye lababalisi baveza ukukhathazeka ngokuqansa kwenani Labantwana lababalisi ababanjwa yiCovid 19 ezikolo lokhe zavulwayo mhlaka 30 Ncwabakazi. Kunje inani labafundi abafunyenwe beleCovid 19 ngokutshona kwelanga layizolo kuphela, ezikolweni ezisemagumbini amane elizwe, bebe phezu kwenkulungwane eyodwa(1,281) lababalisi abaphezu kwekhulu(131).

Abogatsha lwezempilakahle babika ukuba sebenelise ukuhlaba abantu abedlula zigidi ezimbili-2,157,642 ngokugcweleyo ijekiseni lokuzivikela kuCovid 19, kuthi abangakaqedisisi ukuhlaba sebeyizigidi ezedlula kancane ezintathu-3,008,335.

Abamabandla ezombusazwe aphikisayo elizweni kanye lozulu bathi okwethulwe nguMongameli Emmerson Mnangagwa emhlanganweni we United Nations General Assembly ukuthi iZimbabwe izinzile, abantu bayakholisa ukuhlonitshwa kwamalungelo abo kanye lokuthi ilizwe kaliphumeleli nje kungenxa yezijeziso zenotho ezabekelwa ilizwe, akusilo qiniso.

Kuhlelo Woza Friday kuliviki sileqembu lamajaha wodwa acula umdumo wesicathamiya ahamba ngegama lokuthi Amaqaqa lona licula liko Bulawayo.

Ku Livetalk namhlanje sikhangela isimo sokumelana leCovid 19 elizweni kanye lokuqhubeka kohlelo lokuhlaba abantu ijekiseni eyokuzivikela kugcikwane leli.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG