Endabeni zethu lamhlanje ……………..
************** Owayengumpathintambo wembuso yezabelo kuhulumende kaMnu. Robert Mugabe, uMnu. Savior Kasukuwere uzinikele amapholiseni ukuze abuzisiswe ngecala lokuthiywa kwebhomba elaphosa labulala uMongameli Emmerson Mnangagwa enkundleni eyeWhite City Stadium ko Bulawayo ngaphambilini kokhetho lwalonyaka.
*********** Umongameli Emmerson Mnangagwa osedolobheni leNew York khonapha eMelika sikhulumanje, elande umhlangano wenhlanganiso yomanyano wamazwe womhlaba owe United Nation General Assembly-UNGA, ube lethuba lokuhlangana lezizalwane zeZimbabwe esezihlala eMelika ngempelasonto.
************ Inane lasebebulewe ngumkhuhlane wesihudo seCholera selifike kwabangamatshumi amane lantathu-43 kusiyatshona ilanga layizolo eHarare kuphela.
*********** Kwezemidlalo…………Adlulelele esigabeni esilandelayo esomncintiswano wenkezo ye Chibuku amaqembu omdlalo wenguqu amakhulu kwele Zimbabwe athi ele Highlanders kanye lele Dynamos ikanti lawo alwisa ukuphakamisa isicoco seligi abalisa ele FC Platinum kanye lele Ngezi Platinum Stars ahle aphelelwa ngumphako.
********** KuLiveTalk namhlanje sikhangela okwenzakala emhlanganweni wenhlanganiso yomanyano wamazwe womhlaba owe United Nations. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.