I Zimbabwe siyenelise ukuhlaba abantu abedlula izigidi ezintathu-3,037,013, ijekiseni yokuzivikela kuCovid 19, kodwa abangaba yizigidi ezedlula kancane ezimbili babo- 2,197,331 beyibo asebehlatshwe amajekiseni wonke womabili, isecond dose, kubika abogatsha lwezempilakahle.
Izakhamizi zakoBulawayo ziveza imibono ehlukeneyo ngemihlangano yokuthatshwa imibono ngohlelo lokuhlelwa kwendleko lokubuthaniswa kwemali yekhansili olweBudget yomnyaka ozayo oka2022. Limihlangano ihlelwa ukuqhutshwa enkundleni zebulenjini ezehlukeneyo, kulandelwa iziqondiso zokuzivikela kuCovid-19 ezithi abantu bengaminyani njalo bengabuthani besedlula ikhulu.
Uhlangothi olubona ngenhlelo zokuhlela kuhle imuli olweZimbabwe National Family Planning Council, lumanyane lamanye amazwe womhlaba ukunanza usuku olwe World Contraception Day.
Ingcwethi zezempilakahle zikhuthaza uhulumende labenhlanganiso ezitshiyeneyo ezisemsebenzini yemikhankaso yezempilakhale ukuba basebenzise indlela zakulezi insuku zokukhulumisana zebulenjini ezigoqela oWhatsApp, ukusabalalisa imibiko ephezu kobhubhane lwe COVID -19.
Ku Livetalk namhlanje sikhangela isimo sokumelana leCovid 19 elizweni kanye lokuqhubeka kohlelo lokuhlaba abantu ijekiseni eyokuzivikela kugcikwane leli.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.