amalinks wokungena

Breaking News

Inhloko ZeNdaba Mpandula 28, 2020


Inani labagulayo ngemva kokutholakala beleCovid 19, eZimbabwe, lehle laya kwabedlula inkulungwane-1,479. Phakathi kwabazinkulungwane phose eziyisitshiyagalombili-7,852, asebefunyenwe belegcikwane leli lokhu laqhamuka elizweni ngoMbimbitho.

Bekuyingxabanxoza namhlanje ekusungulweni kwehlandla lakuqala lokuvulwa kwezikolo ngemva kokuvalwa kunyenga eziyisithupha ezedluleyo, lapho ababalisi ezikoleni zikahulumende bengabuyanga bekhalala umsebenzi befuna ukwengezelelwa iholo kanye lokutholiswa imphahla yokuzivikela ekubambeni umkhuhlane oweCovid 19.

Abatsha ababekungatsha zebandla le MDC-T ngo 2014 bathethe isigodlo sebandla leli ese Harvest, esiseHarare, namhlanje besithi bafuna inkokheli yabo egoqela uMaKhupe, UMwonzora lo Chamisa babambane.

EleZimbabwe limanyana lamazwe womhlaba ekunanzeni usuku oluqakathekisa ilungelo likazulu lokutholiswa ulwazi olwe International Day for Universal Access to Information lona olunanzwa minyaka yonke mhla ka 28 Mpandula.

Abenhlanganiso ezibona ngesimo seAutism eZimbabwe bakhuthaza ukunanzwa kwemisebenzi yokuphathisa abaphila lalesi simo ukuze impilo ibengcono emulini, bethola usekelo ekuthuthukisweni kwempilo yabo njengabanye abantu bonke elizweni.

Ku Livetalk namhlanje sikhangela okwenzakala elizweni kwezombusazwe lesimo sokumelana leCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG