I Zimbabwe siyenelise ukuhlaba abantu abedlula izigidi ezintathu-3,051,371, ijekiseni yokuzivikela kuCovid 19, kodwa abangaba yizigidi ezedlula kancane ezimbili babo- 2,211,880 yibo asebehlatshwe amajekiseni wonke womabili, ifirst lesecond dose, kubika abogatsha lwezempilakahle.
Ingcwethi zezempilakahle zikhuthaza uhulumende labenhlanganiso ezitshiyeneyo ezikumsebenzi yemikhankaso yezempilakhale ukuba basebenzise indlela lenkundla zakulezi insuku zokukhulumisana ezebulenjini ezigoqela oWhatsApp, ukusabalalisa imibiko ephezu kobhubhane lwe COVID -19.
Uphenyo olwenziwe ngabenhlanganiso elawula ukwethulwa kwezindaba, eyeMedia Institute of Southern Africa- Misa Zimbabwe, luveze ukuba idale lephalamende liyakhokhela kuluhlu lwabalondoloza ilungelo lokutholisa intathelizindaba lozulu jikelele ulwazi lemibiko eqakathekileyo empilweni.
Osomabhizimusi koBulawayo bathi ukusilela kwemali yakwamanye amazwe okwenzakalayo kwenza amabhizimusi abo ehluleke bethi njalo sekubenza badinge imali emkambo omnyama.
EleZimbabwe lilobelane izivumelwano ezinhlanu leleRwanda namuhla, ezokuthuthukisa inhlelo zamazwe womabili emisebenzini ebalisa, kwezokulima, ezomkhathi, ezokwethekelelana, ezokuthengiselana lokusetshenziswa kwemitshina yakulezi insuku.
EleSouth Africa seliphumile ku3rd wave yokuhlasela kobhubhane lweCoronavirus ngemva kokwehla kakhulu kwenani labantu abahlaselwa yilo umkhuhlane ngelanga.
Ku Livetalk namhlanje sikhangela isimo sokumelana leCovid 19 elizweni kanye lokuqhubeka kohlelo lokuhlaba abantu ijekiseni eyokuzivikela kugcikwane leli.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.