amalinks wokungena

Breaking News

Inhloko ZeNdaba Mpandula 30, 2020


Idolobho leHarare lokhu likhokhela ngokuba lenani eliphezulu labantu asebetholakale beleCovid 19, lilenkulungwane ezedlula ezintathu-3,252, lilandelwa yiBulawayo yona elenkulungwane eyodwa phose lengxenye-1,447. Sebezinkulungwane phose eziyisitshiyagalombili-7,837, asebefunyenwe belegcikwane leli elizweni jikelele.

Abenhlanganiso ezilelwa amalungelo abesifazana ezigoqela umanyano owe Women's Coalition bathi izehlakalo zokuhlukunyezwa kwabomama ziqonge ngesilinganiso esethusayo ikakhulu ngesikhathi seCovid 19 Lockdown.

Ingcwethi ezicubungula ezombusazwe lozulu jikelele bayabasola kakhulu abaphathintambo bakahulumende kaMongameli Emmerson Mnangagwa ngokungabi lolwazi lokwenzakala elizweni lakungatsha zabo nxa kukhangelwa izinqumo ezethulelwa abezindaba eziyabe zihlaziwe emihlanganweni yedale labo eye Cabinet.

EleBotswana lithi selizavula ugwalo labadala amacala odlakela kanye lokuhlukumeza ikakhulu abesifazane labantwana. Lelilizwe lliba ngelesibili umhlaba wonke jikelele ngamacala okudlwengulwa kwabesifazane, osekutshiye inengi, kugoqela abeZimbabwe abakulelolizwe, bekhathazekile.

Ingcwethi ezicubungula ezombusazwe zihlaziya okuphume kungxoxo mpikiswano phakathi kwabacintisanayo kukhetho lokudinga umongameli weMelika, iUS Presidential Debate enziwe izolo ntambama.

Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe esezihlala emazweni.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG