Asebetholakele beleCovid 19, eZimbabwe, sebezinkulungwane ezedlula eziyisikhombisa-7,116. Abazinkulungwane ezedlula ezinhlanu-5,373, babo babikwa sebesinde kuleligcikwane eselibulele abantu abedlula amakhulu amabili-208.
Izakhamizi zeHarare zithi uhulumende makaphendukise izimota ezithwala uzulu ezamakombi ukuqeda udubo lokuhambisa nanku phela abantu sebephindela emisebenzini yabo etshiyeneyo.
Amalokitshi amanengi koBulawayo asefikisa amaviki amane engela manzi. Inengi selisebenzisa amanzi angahlanzekanga ngenxa yokungenelisi ukuthenga amanzi asethengiswa ngemali yaphandle kwelizwe.
Kulokwesabela ukuthi uhlelo lukahulumende weZimbabwe lokumelana leCovid 19, olweLockdown lungaba lakho ukuphazamisa umsebenzi wokuhlabisa abantwana abaphansi kweminyaka emihlanu, amajekiseni okubavikela imikhuhlane etshiyeneyo nanku abantu beyaliswa ukuhamba hamba ukuze abantu befinyelele lolusekelo.
Ukufika emaphethelweni kwemidlalo yenguqu kweleSouth Africa eyeABSA Premier Soccer League kutshiye inengi labadlali bakwele Zimbabwe abadlala beselizweni lelo bedanile ngenxa yezizatho ezitshiyeneyo.
Ku Livetalk namhlanje sikhangela iqula lakweleSouth Africa elikhangelelwe ukuthunyelwa ukuthunyelwa liviki ukuzodinga isisombululo kunxaki ezibhekane leZimbabwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…
Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.