amalinks wokungena

Breaking News

Inhloko ZeNdaba Mpandula 9, 2020


Asebetholakele beleCovid 19, eZimbabwe, sebezinkulungwane ezedlula eziyisikhombisa-7,388. Abazinkulungwane ezedlula ezinhlanu-5,477, babo babikwa sebesinde kuleligcikwane eselibulele abantu abedlula amakhulu amabili-218.

Abongi sebemise ukukhalala kwabo umsebenzi kulandela inkulumo eyenziwe ngumsekeli kaMongameli njalo engumphathintambo wezempilakahle umnumzana Constantino Chiwenga, lanxa izikhalazo zabo lokhe zingakalungisiswa.

Iqula lebandla elibusayo kweleSouth Africa, eleAfrican National Congress, litshone emhlanganweni labebandla leZanu PF. Abe ANC babikwa besithi kulolu hambo bebevele benxwanele ukuhlangana leZanu PF, kuphela ngakhoke basazoba lolunye uhambo lokuzohlangana labamanye amabandla ezombusazwe lenhlanganiso ezizimeleyo.

Inkosi yakwaMthwakazi uBulelani Lobhengula Khumalo useyethule uhlelo lwakhe lokwakha kakutsha lokuvuselelwa isizwe sikaMthwakazi esibisela kusibanga abesikuso ngesikhathi kubusa inkosi uMzilikazi.

Ku Livetalk namhlanje kuhlelo “Diaspora Forum” sikhangela umonakalo osudalwe yikuqhamuka kweCovid 19, ukuphindela kwabongi emsebenzini ngemva kokukhalala umsebenzi okwenyanga ezintathu. kwabatsha kanye lokuvulwa kwezikolo ngesikhathi seLockdown.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG