Endabeni zethu lamhlanje ……………..
************* Izitolo bezivaliwe namhlanje eHarare idolobho lonke lithule zwii angani kulikhefu, abantu bephendukiswa emakhaya ngamasotsha ngemva kodlakela lwayizolo lutshiye abantu abangaba phakathi kwabathathu loba abayisithupha befile.
**************Amapholisa ayanyakazela ndawana yonke ko Bulawayo kulandela ukuqhamuka kodlakela izolo emahofisini yebandla le MDC-T elikhokhelwa nguMnu Nelson Chamisa. Kodwa kuthe ngokuya kwesikhathi amapholisa la abuyele ezinkambeni lanxa belokhu kulokufuthelana kuleli dolobho.
************* Abenhlanganiso ezizeqapha ukhetho kanye lezilwela ilungelo loluntu basola ukwenza kwabakubutho lapho abadubule babulala abantu abaphakathi kwabathathu labayisithupha e Harare ekutshengiseleni kwabasakhulayo bamabandla ezombusazwe aphikisayo inengi kungabomanyano we MDC Alliance.
************* Kulesizalwane seZimbabwe esidutshulwe safa kweleSouth Africa lamhlanje ekuseni ngesikhathi ikombi abehamba ngayo isuka eJohannesburg isiya eZimbabwe ibanjwe inkunzi yizigebenga duze le Kranskop Toll Plaza.
********** KuLiveTalk namhlanje sikhangela impumela yokhetho lokudinga umongameli emelelwe ngabanengi njengoba abekhomishini ebona ngezokhetho abeZEC sebegqibe ukwethula eyokudinga amalunga edale lephalamende. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
