Kuphetha usuku lwayizolo inani lababulewe yiCovid 19 eZimbabwe beselikumatshumi amahlanu lambili(52), abaphezu kwenkulungwane eyodwa(1,309) batholakala belegcikwane leli.
Okwamanje inani lasebehlatshwe ijekiseni yakuqala yokuzivikela kuleli gcikwane sebephezu kwesigidi lengxenye (1,674,710), kuthi asebehlabe ngokugcweleyo sebephose bafike inkulungwane ezithoba minwemibili(798,880).
Abasakhulayo abangamatshumi amabili lambili baseZimbabwe ngabanye babangena umhlangano walonyaka wohlelo olwe Mandela Washington Fellowship. Lumhlangano wensuku ezimbili, oqhutshwa nguhulumende weleMelika, lonyaka wenziwa ebulenjini kungenxa yokuqhamuka kobhubhane lweCovid 19 njalo lwenziwa njenjongo yokuthuthukisa abasakhulayo basezwekazi le Africa phansi kwesihloko esithi Young African Leadership Initiative(YALI).
Iziphathamandla zenhlanganiso yeZimbabwe Olympics Committee lezinye ezimele ilizwe emidlalweni ye2020 Tokyo Olympic Games zithi abadlali babo abahlanu benze kahle loba bengatholanga izicoco emidlalweni eqhubekela phambili kwele Japan.
Ku Livetalk namhlanje kuhlelo lwabatsha olwe “The Connection” uMike Hove uxoxa labatsha abakuhlelo lwalonyaka olwe YALI.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.