amalinks wokungena

Breaking News

Inhloko ZeNdaba Ncwabakazi 04, 2020


Seliqanse laya kunkulungwane ezedlula ezine-4,075, inani lasebetholakele beleCovid 19, eZimbabwe, labulala abangamatshumi ayisitshiyagalombili-80.

Amabandla aphikisayo kanye lenhlanganiso ezilwela amalungelo kazulu bathi bakhathazekile ngamazwi kaMongameli Emmerson Mnangagwa obafanise njengamaqembu abalwa becatsha abedlulisa amalawulo, amaterrorists organisations.

Inengi lithi uMongameli Emmerson Mnangagwa uyaphazama ngokusola izijeziso labebandla leMDC esithi yibo ababulala umnotho welizwe. Uzulu uthi okubulala umnotho okumqoka yimisebenzi yenkohlakalo lokwehluleka nje kukaMnangagwa lohulumende wakhe.

Izakhamizi zedolobho lakoBulawayo zikhala ngokusilela kwezimota lamabhasi okuhambisa. Inengi selihamba liphenduke emsebenzini ngenyawo lobanje uhulumendende ekhuphule imali yokugada njalo kulomgoqo wokuhamba ezweni

Ku Livetalk namhlanje kuhlelo ‘The Connection’ uMike Hove uxoxa labasakhulayo ngokuqonga kwenani labatholakala beleCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG