amalinks wokungena

Breaking News

Inhloko ZeNdaba Ncwabakazi 04, 2021


Ekutshoneni kosuku lwayizolo inani lababulewe yiCovid 19 eZimbabwe beselikumatshumi amane lanye(41), abaphezu kwenkulungwane lengxenye(1,580) batholakala belegcikwane leli.

Okwamanje inani lasebehlatshwe ijekiseni yakuqala yokuzivikela kuleli gcikwane sebeyisigidi esilenkulungwane ezedlula eziyisikhombisa(1,707,671), kuthi asebehlabe ngokugcweleyo sebephose bafike isigidi esisodwa(832,884).

Abasakhulayo abangamatshumi amabili lambili baseZimbabwe ngabanye babangena umhlangano walonyaka wohlelo olwe Mandela Washington Fellowship. Lumhlangano wensuku ezimbili, oqhutshwa nguhulumende weleMelika, lonyaka wenzelwa ebulenjini kungenxa yokuqhamuka kobhubhane lweCovid 19 njalo lwenziwa njenjongo yokuthuthukisa abasakhulayo basezwekazi le Africa kuhlelo olubizwa njalo ngokuthi Young African Leadership Initiative(YALI).

Ikhomishini ebona ngokulondolozwa kwamalungelo oluntu, iZimbabwe Human Rights Commission, ithi uhulumende labamankampani azimeleyo akumelanga baphoqe izisebenzi ukuthi zihlatshwe ijekiseni yeCovid-19 ngoba lokho akukho emthethweni.

Umthethwandaba weSupreme Court namuhla ukhulule owake waba ngumeli weBikita West ephalamende elilunga leZanu PF uMnu Munyaradzi Kereke ngemali yesibambiso, i-bail engena kuZ$500,000. UKereke wavalelwa ngo2016 ngemva kokufunyanwa elecala lokudlwengula umntakadadewabo owayeleminyaka yokuzalwa alitshumi lane, 14. Usezaphikisa isigwebo lesi kanye lokufunyanwa kwakhe elecala ephandle.

Iziphathamandla zenhlanganiso yeZimbabwe Olympics Committee ebezimele ilizwe emidlalweni ye2020 Olympic Games sezibuyela ekhaya. Abanye abadlali abamele ilizwe abagoqela uDonata Katai sebesekhaya kulandela ukwehluleka kwabo ukuqhubekela phambili emidlalweni le egqitshwa ngempelaviki.

Ku Livetalk namhlanje kuhlelo “Diaspora Forum” sikhangela okwenziwa ngabadabuka e Zimbabwe asebehlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG