Endabeni zethu lamhlanje ……………..
************* AbeMDC Alliance bazise intathelizindaba ukuthi lokhe besabuthanisa ubufakazi bonke obudingakalayo ukuze bakhweze udaba lwabo emthethwandaba owe reElectoral Court lokuphikisa impumela yokhetho eyethulwe ngabekomishini ebona ngezokhetho eyeZimbabwe Electoral Commission enqume ngoLwesine ukuthi uMongameli Emmerson Mnangagwa oweZanu PF nguye onqobe kukhetho lokudinga umongameli elizweni. I MDC Alliance ithi njalo izaphikisa impumela yezinye zezihlalo zedale lephalamende
**************Izakhamizi zeGwanda zithi sezikhangelele ukuthi labo abakhethwe ukuba ngamalunga edale lephalamende bafeze izithembiso zabo njalo bengabandlululi ngezombusazwe.
************* Imikhuhlane engathelelwanwayo enjenge BP, izinso, itshukela, imvukuzane leminye iya isanda eZimbabwe njalo inengi labantu liyehluleka ukuthola usizo lokwelatshwa ngenxa yentengo yankona kanye lokuswelakala kwendawo zokwelatshwa elizweni, libanjwa ngamandla ukuyadinga lolu sizo phandle kwelizwe.
************* Kwezemidlalo……….. Umqeqetshi weqembu elimela ilizwe le Zimbabwe emdlalweni we Rugby, uPeter de Villiers uthi ukuthola umklomelo owodwa emdlalweni wabo leqembu le Namibia odlalwe ngoMgqibelo odluleyo kuzabaphathisa kakhulu emizameni yabo eyokuba baqhubeke belokhu bedlala kumncintiswano we Africa Gold Cup ngomnyaka ozayo.
********** KuLiveTalk namhlanje sikhangela ukuma manzonzo komumo eZimbabwe lapho osokuqhamuke ukufuthelana phakathi kwabakubutho labantu ngemva kokhetho. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
