amalinks wokungena

Breaking News

Inhloko ZeNdaba Ncwabakazi 10, 2020


Isigaba seManicaland silahlekelwe ngabantu ababili izolo, ngeCovid 19, omunye ofele esibhedlela omunye wafela ngekhaya. Lokhu sokukhweze inani lasebebulewe yilumkhuhlane kwabalikhulu lane-104. Okwamanje sebezinkulungwane phose ezinhlanu-4,649, asebefunyenwe beleCovid 19, eZimbabwe.

Uzulu we Zimbabwe unanze usuku lwamaqhawe elizwe okwakuqala selokhe owayenguMongameli uMnu Robert Mugabe wabhubhayo.

Abalwa impi yenkululeko yeZimbabwe amaqhawekazi lamaqhawe akhuluma kabanzi ngelanga lokubananza esigabeni seMaNdebeleni.

Abalwela amalungelo amantombazana labesifazana, bathi uhlelo lweLockdown eZimbabwe, seludala inhlupho kunhlelo zokufundisa amalunga ngamalungelo abo ukuze bafinyelele lula, okudingakalayo empilweni zabo okufana lezembatho zokugcika lapho belandela.

Ku Livetalk namhlanje sikhangela ukuqonga kwenani labatholakala beleCovid 19 eZimbabwe ngesiqhubu esethusayo.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG