amalinks wokungena

Breaking News

Inhloko Zendaba Ncwabakazi 10, 2018


Inhloko ZeNdaba

Endabeni zethu lamhlanje ……………..

************* Amagwetha womkhoheli weMDC Alliance, akaMnu.Nelson Chamisa, asethulele umthethwandaba owe Constitutional Court ingwalo zokuphikisa impumela yokhetho lokudinga umongameli ethulwe ngabeZEC ethi uMongameli Emmerson Mnangagwa unqobile, esithi uChamisa nguye onqobileyo.

*********** Uhulumende weZambia lowe Zimbabwe babikwa bephula umthetho ekuphindiselweni ekhaya kukaMnu Tendai Biti owayesedinga ukuphephela kweleZambia, esithi wesabela impilo yakhe.

************** Ku Woza Friday namhlanje siphinda udaba lweqembu elicula umdumo wesicathamiya ele “Uzambezi Arts” likhokhelwa ngu Lucky Moyo esingaludlalanga kuhle ngoLwesihlanu olwedluleyo.

************* Kwezemidlalo………… Inkokheli yeqembu lomdlalo wenguqu ele Bulawayo City ithi umqeqetshi uBekithemba Ndlovu kuzamele asindise iqembu leli ekugunyulweni esigabeni se Castle Lager Premier Soccer League ukuze ahle aqhatshwe ngokupheleleyo.

********** KuLiveTalk namhlanje sikhangela ukuthi ukukhwezwa kodaba lokuphikisa impumela yokhetho lokudinga umongameli okwenziwe ngamagqwetha akaMnu Nelson Chamisa kuzamisa na, ukugcotshwa kukaMongameli Emmerson Mnangagwa . Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Facebook Forum

XS
SM
MD
LG