amalinks wokungena

Breaking News

Inhloko ZeNdaba Ncwabakazi 11, 2020


Sebezinkulungwane phose ezinhlanu-4,748, asebefunyenwe beleCovid 19, eZimbabwe. Asebesinde kuleli gcikwane sebedlula inkulungwane lengxenye-1,524, labulala abedlula ikhulu-104.

Uzulu weZimbabwe uthi abezomvikela sebaphambuka kusisekelo sombuso besenza okusekela ibandla leZanu Pf lanxa uMongameli Emmerson Mnangagwa ebancomile kakhulu ekuphatheni umsebenzi wabo wokulondoloza ukuthula elizweni.

Ngesikhathi ilizwe linanza usuku lwabezomvikela, uzulu ukhala ngokuhlukuluzwa ngabebutho.

Ingcitshi kwezombusazwe seziveze imizwa ehlukeneyo ngequla elithunywe ngu Mongameli Cyril Ramaphosa wakwele South Africa ukuzokhuluma ngenxaki zeZimbabwe kodwa elicine likhulume lo Mongameli Emmerson Mnangagwa yedwa.

Kube lokuphoselana aqatha edale lephalamende lakweleBotswana ngoMvulo, phezu kodaba lweZimbabwe, lapho abamabandla aphikisayo, besole ibandla elibusayo leBotswana Democratic Party (BDP) ngokuthula elikwenzayo lingakhulumi phezu kwezehlakalo zeZimbabwe zokwephulwa kwamalungelo abantu.

Ku Livetalk namhlanje kuhlelo “The Connection” uMike Hove uxoxa labasakhulayo ngesimo sokuqonga kwenani labatholakala beleCovid 19 eZimbabwe ngesiqhubu esethusayo, ikakhulu ontanga abavele bephila lezinye izifo ezinjengetshukela loba imvukuzane.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG