amalinks wokungena

Breaking News

Inhloko ZeNdaba Ncwabakazi 11, 2021


Obemele iTsholotsho South edale lephalamende uMnu. Zenzo Sibanda kasekho. USibanda ubikwa ekhulelwe ngumkhuhlane weCOVID 19.

Abogatsha lwezempilakahle babika ukuba inani lasebehlatshwe ijekiseni yakuqala yokuzivikela kuleli gcikwane sebeyisigidi eziphose zibe mbili(1,912,592), kuthi asebehlabe ngokugcweleyo sebesedlula kancane isigidi esisodwa(1,061,238).

Ekutshoneni kosuku lwayizolo inani lababulewe yiCovid 19 eZimbabwe beselikumatshumi amathathu lanye(31), abangamakhulu amane lanhlanu(405) batholakala belegcikwane leli.

Abenhlangothi ezitshiyeneyo zempilo bakhuthaza uhulumende ukuba enze uphenyo kusehlakalo sokubhubha kwentombazana ebi leminyaka elitshumi lane yokuzalwa, ebhubhele endaweni ekhonzela abemuli yakhe abangamakholwa enkonzo ye Marange Apostolic Sect ngesikhathi ibeletha.

Isonto yeThe Apostolic Church in Zimbabwe isisole ukwendiswa kwabantwana njalo ithi ayilani lokwenza lalumkhuba. Lisonto ithi yehlukene lesonto yamapostoli etheswa umlandu wokwendisa untombazana oleminyaka elitshumi lane, 14, obhubhe ebeletha ngenyanga edluleyo.

Abanye abeZimbabwe bakweleZambia ukuyananza ukhetho lokudinga umongameli oluzabanjwa kusasa. Inhlanganiso yeSADC ithi ngenxa yeCovid-19 iqula elimela inhlanganiso le alisoke liye eZambia, kodwa lizalandela ukhetho lisemazweni atshiyeneyo.

Abesifazana beZimbabwe kweleSouth Africa abavela kweleMandebeleni ndawonye labadabuka Kwazulu eNatali sebesungule uhlelo lokwabelana ulwazi ngamasiko lamakhono emisebenzi yezandla.

Ku Livetalk namhlanje kuhlelo “Diaspora Forum” sikhangela okwenziwa yizizalwane ze Zimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG