amalinks wokungena

Breaking News

Inhloko ZeNdaba Ncwabakazi 12, 2020


Sebezinkulungwane phose ezinhlanu-4,818, asebefunyenwe beleCovid 19, eZimbabwe. Asebesinde kuleli gcikwane sebedlula inkulungwane lengxenye-1,544, labulala abedlula ikhulu-104.

Umsakazo weZBC ubike ukuba ulentathelizindaba ezingamatshumi amathathu esezitholakale zilegciwane le Covid `19. Lokhu sokwenze intathelizindaba elizweni lonke jikelele ziveze ukukhathazeka ngokungavikeleki emkhuhlaneni lo, lapho zisebenza.

Imuli yakoTshuma edabuka eBinga isicele umphakathi lenhlanganiso ezizimeleyo ukuthi ziphathise ngemali yokuthwala izidumbu ezine zamalunga emuli abhubhe sikhathi sinye eGoli ngemva kokunatha utshwala obuchatshangelwa ukuba bebuletshefu.

Kube lokuphoselana aqatha edale lephalamende lakweleBotswana ngoMvulo, phezu kodaba lweZimbabwe, lapho abamabandla aphikisayo, besole ibandla elibusayo leBotswana Democratic Party (BDP) ngokuthula elikwenzayo lingakhulumi phezu kwezehlakalo zeZimbabwe zokwephulwa kwamalungelo abantu.

Umncintiswano womdlalo wenguqu owe UEFA Champions League ungena kusigaba se quarter – final namhla ntambama lapho okuzangqikilana khona iqembu le Atalanta lele Paris Saint Germain.

Ku Livetalk namhlanje kuhlelo “Diaspora Forum” sikhangela isimo sokuqonga kwenani labatholakala beleCovid 19, hatshi eZimbabawe kuphela kodwa lasemhlabeni jikelele.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG