Endabeni zethu lamhlanje ……………..
****** Umongameli Emmerson Mnangagwa uncoma imisebenzi yabakubutho yokulondoloza ukuthula elizweni ngesikhathi libhekane lobunzima kwezomnotho ngasikhathi sinye ecela uzulu ukuba ehlukane lendaba zokuphatheka kudlakela kanye lemisebenzi ephazamisa ukuthula elizweni. Lokhu ukutsho embuthanweni wokunanza ukuqakathekiswa komsebenzi wabakubutho ele Defence Forces Day.
********** Isimo somnotho elizweni lokhe simi manzonzointengo yamafutha ezimotha iqonga viki zonke okubangela ukuqonga kwentengo yempahla layo yonke into elizweni.
********** IStudio 7 ikhangela ingozi zomgwaqo ezenzakale ngalelikhefu lamaqhawe lokuthi zingavinjwa njani.
************ Amakhulu ezizalwane zakwamanye amazwe ezibotshwe ngeviki ephelileyo zisetheswa icala lokungena elizweni ngokungekho emthethweni zimiswe phambi komthethwandaba kaMantshi eJohannesburg izolo.
********** KuLiveTalk namhlanje kuhlelo lwabatsha olwe “The Connection” sikhangela ukutshengisela okuqoqwa ngabebandla eliphikisayo eleMDC ngoLwesihlanu. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.