amalinks wokungena

Breaking News

Inhloko ZeNdaba Ncwabakazi 13, 2021


Abenhlanganiso yamabandla abokholo lwesiKristu, eyeZimbabwe Heads Of Christian Denominations, bathi kuzobasinda njengamabandla ukwalela abantu ukuzokhonza mathupha nxa bengahlatshwanga ijekiseni eyeCovid 19 Vaccine.

Ekutshoneni kwelanga layizolo abantu abangamakhulu ayisitshiyagalombili (800) batholakale beleCovid 19, abafika phose amatshumi ayisithupha babo balahlekelwa yimiphefumulo ( 56 deaths ).

Abedlula kancinyane inkulungwane ezingamatshumi amathathu – 33,392 bahlatshwe ijekiseni lakuqala ekutshoneni kwelanga layizolo kusitsho ukuba sebefika phose izigidi ezimbili – 1,966,612 asebehlatshwe leli jekiseni okwakuqala.

Umbukiso wezamabhizimusi lokuthengiselana, owe Zimbabwe International Trade Fair owawukhangelwe ukwenziwa ngo Ntulikazi wadluliselwa phambili ngenxa yokumemetheka kweCoronavirus, usuhlelwe ukuqhutshwa kusukela mhlaka 23 Ncwabakazi kusiyafika umhlaka 25.

Iqula lomanyano wamazwe akuzwekazi leAfrica owe African Union ohlola ukuqhutshwa kokhetho lokudinga umongameli lamalunga edale lephalamende eZambia lithi konke kwenziwe ngemfanelo njalo bekungelakuqilibezela.

Khansili yedolobho leJohannesburg ithi uMeya osanda kukhethwa umnumnzana Jolidee Matongo osendo lwakhe ludabuka eZimbabwe yena uyisizalwane esizelwe lokukhulela eSouth Africa ngakho akasuye muntu wokuza.

KuWoza Friday namhlanje silomhlabeleli osacathulayo uMzala, ogama lakhe lokuzalwa nguOnias Sibanda, ehamba leqembu lakhe leBulawayo’s Finest. Bacula umdumo weManyalo & Piano music.

Ku Livetalk namhlanje sikhangela ukuqansa kwenani labantu ababanjwa ngumkhuhlane oweCovid 19 labalahkelwa ngumphefumulo ngenxa yaleli gcikwane.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG