amalinks wokungena

Breaking News

Inhloko ZeNdaba Ncwabakazi 14, 2020


Sebezinkulungwane phose ezinhlanu-4,990, asebefunyenwe beleCovid 19, eZimbabwe. Asebesinde kuleli gcikwane sebezinkulungwane phose ezimbili-1,927, labulala abedlula ikhulu lamatshumi amabili-128.

Abenhlanganiso ye Amnesty International bakhuthaza inkokheli yesigabeni sangezansi kwezwekazi leAfrica, angamalunga enhlanganiso yeSADC, ukuba ilungisise inkinga esezikhona emazweni anjengeZimbabwe, Madagascar le Swaziland, edabeni lokwephulwa kwelungelo loluntu lapho osekulezehlakalo ezinengi zokukhahlamezwa kwabakhuluma imibono yabo ehlukene labasembusweni.

Udubo lokuswelakala kwemali emabhanga lokuvulwa kwama account agcina imali yakawamanye amazwe lokhu luqhubekela phambili eZimbabwe. Kunje abalwa impi yenkululeko bakhala ezimatonsi kulandela ukwehluleka kwamabhanga ukubavulela ama account okufikela imali yakwamanye amazwe osekudale ukuba behluleke ukuthatha imali zabo.

Kuhlelo Woza Friday liviki silomculi womdumo we-Rhumba uDinga, ehamba leqembu lakhe leMakhuba Boys abaphethe idlalade labo elitsha elilesihloko esithi ‘Izolo Lokhu.’

Ku Livetalk namhlanje siqhubekela phambili sikhangela isimo sokuqonga kwenani labatholakala beleCovid 19, eZimbabawe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG