amalinks wokungena

Breaking News

Inhloko ZeNdaba Ncwabakazi 16, 2021


Abantu abaphose bafike inkulungwane ezingamatshumi amathathu – 28,015 bahlatshwe ijekiseni lakuqala lokuzivikela kuCovid 19, eleVaccine, ekutshoneni kwelanga layizolo, kusitsho ukuba sebesedlula izigidi ezimbili – 2,064,314 asebehlatshwe leli jekiseni okwakuqala. Abantu abazinkulungwane eziphose zifike kunkulungwane ezintatu-26,334, abahlatshwe ijekiseni lesibili bengeze leli inani layafika kwabedlula isigidi-1,224715.

Kuthi inane labahlolwe bafunyanwa belegcikwane leli izolo, elingamakhulu aphezu kwamabili-235, bengeze leli nani laya kunkulungwane eziphezu kwezilikhulu-120,088, lokhu laqhamukayo e Zimbabwe nyakenye ngoMbimbitho. Kwathi abalitshumi lathoba minwemibili-19 bakhweza inani lasebelahlekelwe ngumpefumulo ngenxa yaleli gcikwane laya kwabazinkulungwane eziphezu kwezine- 4,109

Abatsha beZimbabwe bakhuthazwa ukuba baphatheke kunhlelo zokhetho ukuze amabandla aphikisayo kwezombusazwe anqobe njengalokho okwenzakale kwele Zambia. Linkuthaze yenziwa zingcitshi eziye kwele Zambia ukuyabona obekusenzakala ukhetho luqhutshwa.

UBulawayo uveza imibono yakhe ehlukile kulandela impumela yokhetho lweZambia emenyezelwe lamhlanje emathathakusa lapho uMongameli weUPND uMnu. Hakainde Hichilema ukuba unqobile.

Ibandla le MDC Alliance litshayela ihlombe uzulu wakwele Zambia ngokuqhuba ukhetho olukhululekileyo lanxa bekulokuxokozela lapha lalaphaya.

Uhlelo lokuba amaqembu azadlala njani kumncintiswano we Africa Cup of Nations ngomnyaka ozayo lizaqhutshwa kusasa ngoLwesibili elizweni lase Cameroon njalo imeneja yeqembu lama Warriors uWellington Mpandare uthi isifiso sabo ngesokuba bengafakwa sibaya sinye leqembu elimela ilizwe le Cameroon okuyilo eliqoqa limidlalo.

Ku Livetalk namhlanje sikhangela ukuqansa kwenani labantu ababanjwa ngumkhuhlane oweCovid 19 labalahlekelwa ngumphefumulo ngenxa yaleli gcikwane.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG