Endabeni zethu lamhlanje ……………..
************** Udaba lokuphikisa impumela yokhetho olwedluleyo emthethwandaba ngabomanyano owe MDC Allianceosolumele ukuhlaziywa mhla ka 22 Ncwabakazi, soludale ukungahlaliseki kanye lokungathembi uhlelo lokuvota kuzulu.
*********** Ummeli weMelika eZimbabwe uMnu Brian Nichols uhlangana loMongameli Emmerson Mnangagwa kanye lomkhokheli womanyano oweMC Alliance, uMnu. Nelson Chamisa eveza ukukhathazeka kwelizwe lakhe ngokwenzakala elizweni ngemva kokhetho.
*********** AbeZimbabwe kweleSouth Africa sebekhuthaze inkokheli yeMDC Alliance umnumnzana Nelson Chamisa leyeZanu PF uMnu. Emmerson Mnangagwa ukuthi bahlolisise imbali kamuyi uJoshua Nkomo besebezibuza ukuthi aluba nguye obesezicathulweni zabo khathesi ubezokwenzenjani ngombango wesikhundla ababhekane lawo.
************* Umculi obedume ngomdumo owe Soul waseMelika, uAretha Franklin obeseleminyaka engamatshumi ayisikhombisa lasithupha-76 akasekho.
********** KuLiveTalk namhlanje kuhlelo lwendaba eziphathelane labesifazana “Asiyihluzeni Bomama” sikhangela umumo oselizweni ngemva kokhetho. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.