amalinks wokungena

Breaking News

Inhloko ZeNdaba Ncwabakazi 17, 2021


Inani labantu abatholakale beleCOVID 19 liqansile izolo, nxa liqathaniswa lelakuthange. Kutholakale abantu abangaphezu kwamakhulu amane-444, belegcikwane leli, kwabahlolwe izolo, labulala phose abangamatshumi amathathu-29.

Abantu abaphose bafike inkulungwane ezingamatshumi amathathu – 27,236 bahlatshwe ijekiseni lakuqala lokuzivikela kuCovid 19, eleVaccine, ekutshoneni kwelanga layizolo, kusitsho ukuba sebesedlula izigidi ezimbili – 2,091,550 asebehlatshwe leli jekiseni okwakuqala. Abantu abazinkulungwane eziphose zifike kunkulungwane ezintatu-29,491, abahlatshwe ijekiseni lesibili bengeze leli inani layafika kwabedlula isigidi-1,254,206.

Ingcwethi kwezomnotho ziveza ukuba abantukazana eZimbabwe baqhubeka besiba ngabayanga namandla, bengasanelisi ukuziphilisa ngenxa yesimo somnotho esingesihle lanxa abogatsha lukahulumende lwezemali behlezi besithi umnotho uyathuthuka njalo luzofezeka uhlelo lokuba kusiyafika umnyaka ka 2030 sekulabantu abalenotho ephakathi laphakathi kusiya kwephezulu.

Uhlelo lokuba amaqembu azadlala njani kumncintiswano we Africa Cup of Nations ngomnyaka ozayo luqhutshwa namhlanje ntambama elizweni lase Cameroon njalo imeneja yeqembu lama Warriors uWellington Mpandare uthi isifiso sabo ngesokuba bengafakwa sibaya sinye leqembu elimela ilizwe le Cameroon okuyilo eliqoqa limidlalo.

Ku Livetalk namhlanje kuhlelo “The Connection” sixoxa labatsha ngokuvulwa kwezikolo ngesikhathi ele Zimbabwe, njengawo wonke amazwe emhlaeni jikelele limelana leCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG