amalinks wokungena

Breaking News

Inhloko ZeNdaba Ncwabakazi 18, 2020


Sebezinkulungwane phose ezine-3,848, abantu asebesinde kugcikwane leCovid 19, eZimbabwe, labulala abalikhulu lamatshumi edlula amathathu-135. Kuthi asebefunyenwe belegcikwane leli elizweni sebezinkulungwane ezedlula ezinhlanu-5,308.

Ukukhuphuka kwenani labantu abasebefunyenwe beleCoronavirus koBulawayo, sekutshiye izakhamizi zalelo dolobho zikhathazekile. Leli dolobho likusibanga sesibili elizweni, nxa kukhangelwa indawo ezihlaselwe kakhulu yileli gcikwane elizweni, lilandela eleHarare eliyilo elikhokhelayo.

Umthethwandaba kaMantshi unqume ukuba igqwetha elimela intathelizindaba elodumo uHopewell Chin’ono owetheswa umlandu wokutshotshozela uzulu ukuba atshengisele ngodlakela, uNkosikazi Beatrice Mtetwa angasaqhubeki ngalumsebenzi ngemva kokuba iqula labatshutshisi, limethese umlandu wokwazisa okwenzakala edale ngokuloba enkhundleni yeFacebook.

Ikhansili yedolobho lakoBulawayo iyehluleka ukubutha izibi ikakhulu emizini ehlala abanengi lasezibhedlela lona idolobho lingelinye elile nani eliphezulu kakhulu lababanjwa beleCovid-19, okulakho ukudala ukuqhamuka kweminye imikhuhlane kuleli dolobho.

Abamabhizimusi amancane kunye labaphila ngokuthengisa ezitaladeni abathenjiswa imali yokubaphathisa kuqala ugubhane lwe coronavirus lokhu bengakatholi lutho.

Umhlangano omqoka webandla leDemocratic Party, eleMelika uqale izolo lapho uNkosikazi Michelle Obama, umkakhe kowayengumongali, uMnu. Barack Obama ecothoze uMongameli Donald Trump emazwini okusungula lumhlangano.

Ku Livetalk namhlanje kuhlelo lwabatsha olwe “The Connection” siqhubekela phambili sikhangela isimo sokuqonga kwenani labatholakala beleCovid 19, eZimbabawe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG