amalinks wokungena

Breaking News

Inhloko ZeNdaba Ncwabakazi 18, 2021


Abogatsha lwezempilakahle babika ukuba abantu abazinkulungwane ezingamatshumi edlula amahlanu – 53,978 bahlatshwe ijekiseni lakuqala lokuzivikela kuCovid 19, eleVaccine, ekutshoneni kwelanga layizolo, kusitsho ukuba sebesedlula izigidi ezimbili – 2,145,137 asebehlatshwe leli jekiseni okwakuqala. Abantu abazinkulungwane eziphezu kwamatshumi amahlanu-50,596, abahlatshwe ijekiseni lesibili bengeze leli inani layafika kwabedlula isigidi-1,304,802.

Umbukiso wamabhizimusi oweZITF usudluliselwe phambili kulandela ukuqeliswa kwesikhathi sokusebenza kweziqondiso zikahulumende zokuvikela uzulu ukuthelelana lula iCovid 19 eze Level 4 Lockdown.

Inengi lisola isikhulumeli sewofisi kamongameli, uMnu. George Charamba ngokuthi ibutho alisoze livumele umkhokheli webandla leMDC Alliance, uMnu. Nelson Chamisa ukuthi abuse enganqoba kukhetho lokudinga umongameli ngomnyaka ka2023.

Uhulumende weSouth Africa uthi ukhathazeke kakhulu ngokwehla kwenani labantu abeza ukuzohlaba ijekiseni lokuzivikela kuCovid-19.

Kulenani eliphezulu labeZimbabwe abalahlekelwa ngumphefumulo kweleBotswana ngenxa yomkhuhlane weCOVID-19. Amakampani akubhizimusi yokungcwaba, athi ngenxa yendleko eziphezulu zokuhambisa izidumbu ekhaya, abanye bangcwatshwa kweleBotswana.

Izakhamizi ze Saint Peters duze lejele le Khami zithi kulomonakalo kakhulu kulindawo kulandela ukuganuyulwa mahlayana kwezihlala. Lokhu kubangele ukuthi inhlanganiso ye Matabeleland Institute for Human Rights iyehlolisisa ukuthi kungaba kuhamba njani.

Ku Livetalk namhlanje kuhlelo “Diaspora Forum” sikhangela okwenziwa yizizalwane zeZimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG