amalinks wokungena

Breaking News

Inhloko ZeNdaba Ncwabakazi 19, 2020


I-Covid 19 ibulele abantu abayisithupha izolo okukhuphule inani lasebebulewe yiyo eZimbabwe, laya kwabalikhulu lamatshuma amane lanye-41. Sebezinkulungwane ezedlula ezinhlanu-5,378, asebetholakele bele gcikwane leli, kwasinda inkulungwane ezedlula ezine-4,105.

Abenhlanganiso ezimela ababalisi bathi kabasoze basamukele isinqumo esethulwe luhlangothi lwemihloliso olweZimsec esokuba imihloliso kaLwezi ilotshwe lonyaka phakathi kwesimo seCovid 19 esiselizweni.

Abaphila ngokuthengisa sebecele uhulumende ukuthi abavulele imingcele ukuze benelise ukuyathenga emazweni angomakhelwane bathengise.

Uqhubekela phambili umhlangano omkhulu webandla lamaDemocrats lakwele Melika, oweDemocratic National Convention, owale ngoMvulo.

Kwezemidlalo………Iqembu le Lyon elase France lingqikilana lele Bayern Munich elase Germany namhla ntambama kudingwa iqembu elizadibana lele Paris Saint Germain kuFinal eyomncintiswano walonyaka owe UEFA Champions League.

Ku Livetalk namhlanje kuhlelo “Diaspora Forum” sikhangela ukuyekethiswa kwezinqondiso zeLockdown eZimbabwe lasemazweni angomakhelwane anjenge South Africa empini yokumelana leCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG