amalinks wokungena

Breaking News

Inhloko ZeNdaba Ncwabakazi 2, 2021


Zithwele amagabha avuzayo izakhamizi zeGwanda kulandela inyathelo leZinwa lokuvalela umanisipala walelidolobo amanzi ngenxa yesikwelede sezigidi eziphose zifike ezimbili zamadola($193.2 million) somthelo wamanzi.Lokhu kuza ngesikhathi lelidolobho lilwisana lokumemetheka kwegciwane leCoronavirus, izakhamizi zesisebenzisa amanzi alengcekeza okulakho ukudala eminye imikhuhlane.

Kuphetha usuku lwayizolo inani lababulewe yiCovid 19 e Zimbabwe beselikumatshumi amahlanu lanye(51), abangamakhulu ayisithupha lamatshumi athoba minwemibili lasithupha(686) batholakala belegcikwane leli. Okwamanje asebehlatshwe ijekiseni yakuqala yokuzivikela kuleli gcikwane bebe sebephezu kwesigidi lengxenye (1,654,112), kuthi asebehlabe ngokugcweleyo sebephose bafike inkulungwane ezithoba minwemibili(779,229).

Abenhlanganiso yomanyano wamazwe womhlaba kuhlangothi olubona ngezempilakahle, abeWorld Health Organization sebekhuthaze uzulu ukuba angahlabi ehlanganisa amajekiseni avikela iCovid-19 akhona elizweni ngoba kungadala ingozi emzimbeni kulabo abacabangela ukuba bengahlaba amajekiseni ahlukeneyo bazavikeleka ngamandla kuleli gcikwane.

Iziphathamandla zenhlanganiso yeZimbabwe Olympics Committee lezinye ezimele ilizwe emidlalweni ye2020 Tokyo Olympic Games zithi abadlali babo abahlanu benze kahle loba bengatholanga izicoco emidlalweni eqhubekela phambili kwele Japan.

Inhlanganiso yabaqeqetshi bomdlalo wenguqu ikhuthaza bonke abaphathelane lalumdlalo ukuba behlatshwe ijekiseni elokuzivikela emkhuhlaneni we Covid - 19 ukuze ezemidlalo zivunyelwe elizweni.

Ku Livetalk namhlanje sikhangela ukuqhubeka kokuqansa kwenani lababanjwa beleCovid 19 lasebebulawa yileli gcikwane eZimbabwe .

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG