Abenhlanganiso emela izisebenzi eye Zimbabwe Congress of Trade Union sebekhweze emthethwandaba waphezulu oweHigh Court, udaba lokuphikisa ukubanjwa ngamandla kwezisebenzi ukuhlatshwa ijekiseni yeCovid-19 Vaccine, ngabaqatshi.
Abantu abangaba zinkulungwane ezingamatshumi edlula kancane amane – 40,209 bahlatshwe ijekiseni lakuqala lokuzivikela kuCovid 19, eleVaccine, ekutshoneni kwelanga layizolo, kusitsho ukuba sebesedlula izigidi ezimbili – 2,233,565 asebehlatshwe leli jekiseni okwakuqala. Kuthi abazinkulungwane eziphose zifike amatshumi amane-38,378, abahlatshwe ijekiseni lesibili bengeze leli inani lukuze lifike kwabedlula isigidi-1,386,752.
Umbukiso wamabhizimusi oweZITF usudluliselwe phambili kulandela ukuqeliswa kwesikhathi sokusebenza kweziqondiso zikahulumende zokuvikela uzulu ukuthelelana lula iCovid 19 eze Level 4 Lockdown.
Ibandla le MDC-T selikhethe amalunga angamatshumi amabili lasithupha, 26, ukuba lezikhundla ezifana lezamalunga edale labampathintambo bakahulumende eleCabinet.
Kuliviki Kuhlelo Woza Friday silomculi owaqala ecula ingoma zokholo lwesiKristu,, edabuka eNkayi, uStanley Nyathi. Okwamanje usecula umdumo weAfro Jazz, esebenzela ekwele South Africa.
Ku Livetalk namhlanje sikhangela ukuqansa kwenani lababanjwa bele Covid 19 kanye lababulawa yileli gcikwane eZimbabwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.