amalinks wokungena

Breaking News

Inhloko Zendaba Ncwabakazi 20, 2018


Inhloko ZeNdaba

Endabeni zethu lamhlanje ……………..

************** Umkhokheli womanyano we MDC Alliance umnumzana Nelson Chamisa utshela umhlangano lentathelizindaba ukuthi ulesiqiniseko sokuba ezophumelela edabeni alukhweze edale le Constitutional Court lokuphikisa impumela yokhetho lokudinga umongameli.

*********** Ngakwelinye icele ibandla leZanu PF ithi lileqiniso lokuthi uMongameli Emmerson Mnangagwa nguye onqobe kukhetho lolu njalo namhlanje amagqwetha akhe ase ingwalo emthethwanda owe Concourt othi uzahlaziya loludaba ngoLwesithathu mhla ka22 Ncwabakazi.

*********** Sekulethemba lokuthi ezinye indaba ezihluphayo phakathi kwabomakhelwane abeZimbabwe leBotswana, ezifana lokudutshulwa kwenkomo ezicapha umngcwele lokunye. Lokhu sokunike abantu ithemba lokuthi lezi nkinga zilakho ukulungisiswa ngemizamo esikhona yokuqinisa ubudlelwano phakathi kwamazwe womabili.

**************Kwezemidlalo........Iqembu le FC Platinum selikhokhela ngemiklomelo emine phezu kwengalane yemiklomelo ngemva kwemidlalo edlalwe ngempelaviki edluleyo kusigaba seCastle Lager Premier Soccer League.

********** KuLiveTalk namhlanje sikhangela osokusenzakala ngemva kokukhwezwa kodaba lokuphikisa impumela yokhetho lokudinga umongameli ngumkhokheli oweMDC Alliance, emthethwandaba oweConstitutional Court. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Facebook Forum

XS
SM
MD
LG