Endabeni zethu lamhlanje ……………..
********** UMnu. Phelekezela Mphoko owayengomunye wabasekeli bakamongameli embusweni kaMnu Robert Mugabe, umiswa phambi komthethwandaba koBulawayo esetheswa icala lwenkohlakalo kodwa wahle waphanga waphiwa imvumo yokuhlawulela isibambiso seBail.
**********AbeMDC bakhalaza ngokwalelwa ukutshengisela namhlanje eMasvingo.
****** UMongameli Emmerson Mnangagwa ukhuthaza ikhomishini ebona ngezenkohlakalo eye Zimbabwe Anti-Corruption Commission lohlangothi olwe National Prosecuting Authourity ukuba baphange balwisane lenkohlakalo elizweni, esithi abantu sebekhathele. Lokhu kuphume emhlanganweni wokusungula umkhankaso wokulwisa inkohlakalo.
********* Abantu baveza imibono etshiyeneyo phezu kokwalelwa kwabeMDC ukutshengisela emadolobheni amakhulu elizwe, kulabathi akukho okungenziwa ngamazwe womanyano weSADC ngoba kungela ongakhuluma ngodaba lweZimbabwe emhlanganweni wawo.
********** KuLiveTalk namhlanje kuhlelo “Diaspora Forum” sikhangela ukujikelana ephilayo phakathi kwabeZimbabwe asebehlala emazweni labasekhaya ngodaba lokuqinisa ukutshengisela elizweni kungelani lokuthi amapholisa ayabe elwisana labo behlome ngemibhobho. Nxa lifuna ukungena kuhlelo thumelani imlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngo half past 7 ntambama lango half past 6 ekuseni, kumagagasi athi 909 am, 4930, 15580 laku 6080 kilohertz kuShortwave.