amalinks wokungena

Breaking News

Inhloko ZeNdaba Ncwabakazi 21, 2020


Kulabantu abedlula ikhulu-102, abahlolwe izolo bafunyanwa beleCovid 19, eZimbabwe okukhweze inani lababanjwe bele gcikwane leli, kunkulungwane phose eziyisithupha-5,745. Labulala abedlula ikhulu lengxenye-151, kwasinda abazinkulungwane ezedlula ezine-4,525.

Umkhokheli webandla le Transform Zimbabwe uMnu Jacob Ngarivhume usencitshwe imvumo yokubhadalela isibambiso se bheyili.

Abenhlanganiso ebona ngamalungelo abathengi eyeConsumer Council of Zimbabwe bathi indleko yokuphilisa imuli elabantu abayisithupha iqanse isuka ku $13 026.17 ekupheleni kukaNhlangula yaya ku $14 256.98 ekupheleni kukaNtulikazi. Lokhu kubangelwe yikuwa kwesisindo semali yeZimbabwe nxa iqathaniswa ledola leMelika kanye lokusilela kwempahla ezimqoka.

UMnu. Joe Biden wamukele isicelo sabalandeli bebandla lama Democrats, lakweleMelika, ukuba alimele kukhetho lokudinga umongameli welizwe oluzakwenziwa lonyaka ngoLwezi. UBiden wenze lokhu izolo, esesigabeni seDellaware emhlanganweni webandla lama Democrats obusenzelwa ebulenjini bokuxhumana ngenxa yokumemetheka komkhuhlane weCOVID-19.

Kuhlelo Woza Friday kuliviki silomculi osakhulayo wako Bulawayo, uQeqetshiwe Mntambo yena ke ucula imdumo etshiyeneyo ebalisa, iAfro Soul, Afro Jazz le Houz music.

Ku Livetalk namhlanje siqhubekela phambili sikhangela umonakalo osudalwe yiCovid 19.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG