amalinks wokungena

Breaking News

Inhloko ZeNdaba Ncwabakazi 23, 2021


Ngesikhathi inani labantu ababanjwa beleCovid-19 lisehla eZimbabwe, abanye abantu bathi uhulumende sokumele avule izikolo ukuze abantwana bengayali besalela emuva.

Ngokutshona kwelanga layizolo kulabantu abazinkulungwane eziphezu kwezilitshumi – 10,776 bahlatshwe ijekiseni lakuqala lokuzivikela kuCovid 19, eleVaccine, kusitsho ukuba sebesedlula izigidi ezimbili – 2,312,417 asebehlatshwe leli jekiseni okwakuqala. Kuthi abazinkulungwane eziphose zifike ezilitshumi-9,181, abahlatshwe ijekiseni lesibili bengeze leli inani ukuze lifike phose isigidi lengxenye-1,460,162.

Abantu beMaNdebeleni sebethe baveza imibono yabo ehlukile kulandela impumela yomhlangano kaMongameli Emmerson Mnangagwa ngempelansonto ngodaba lombhuqazwe weGukurahundi bethi uchitha isikhathi ngoba kungelamuntu ongagida eziqakezela.

Kuqhamuka ukwesaba kweleSouth Africa ngemva kwesimemezelo esithunyelwe kwezokuxhumana kuinternet sikhuthaza ukutshengisela elizweni lonke sivela kubangaziwayo abathi umongameli Ramaphosa akaphume esikhundleni.

Imizamo ye Zimbabwe yokwehlisa inani labantu abahlaselwa yisifo semvukuzane ibikwa isiphazanyiswa yikusilela kwendawo zokwelaphela lumkhuhlane eziseduzane lo zulu ikakhulu kumhlobo ohlasela abantwana, ichild cancer.

Ku Livetalk namhlanje sikhangela ukuqansa kwenani lababanjwa bele Covid 19 kanye lababulawa yileli gcikwane eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG