amalinks wokungena

Breaking News

Inhloko ZeNdaba Ncwabakazi 24, 2020


Inani labagulayo ngemva kokufunyanwa beleCovid 19, eZimbabwe, libikwa selehle laya kwabaphansi kwenkulungwane-903. Kuthi inani lasebefunyenwe bele gcikwane leli, selikunkulungwane phose eziyisithupha-5,930. Labulala abedlula ikhulu lengxenye-155, kwasinda abazinkulungwane phose einhlanu-4,525.

Intathelizindaba uHopewell Chin'ongo uncitshiwe njalo imvumo yokuhlawulela isibambiso se bheyili, ukuze athoniswe icala lakhe evela ngekhaya.

Izakhamizi zakoBulawayo lokhu zibhekane lodubo lwamanzi oselulenyanga ezithile ikhansili yona isithi kulabantu abantshontsha impompi zamanzi lentambo zamandla kagetsi lapho adonswa khona okubangela ukuphazamiseka kokutholisa uzulu amanzi

UMnu. Prince Dubeko Sibanda wetheswa icala lokukhuthaza udlakela ngokwaba ama masks abhalwe 'ZANU PF Must Go'. Kuthethwa icala eletheswa amapholisa elokutshaya abesifazana beCowdray Park lokubethuka ngokwenkethabetshabi.

Umhlangano omkhulu webandla lama Republicans owe Republican National Convention uqala namuhla.

Kwezemidlalo namhla sikhangela okwenzakale ngempelaviki lapho iqembu le Bayern Munich eliphakamise khona inkezo ye EUFA Champions League kuthi elizweni lase South Africa iqembu le Kaiser Chiefs lilahle imiklomelo emihlanu emidlalweni yalo emibili eyedluleyo.

Ku Livetalk namhlanje sikhangela ukuphathwa kodaba lokwephulwa kwamalungelo oluntu eZimbabwe ikakhulu emithethwandaba.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…

Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG