amalinks wokungena

Breaking News

Inhloko ZeNdaba Ncwabakazi 24, 2021


Ngokutshona kwelanga layizolo kulabantu abazinkulungwane eziphezu kwamatshumi amathathu – 32,926 abakade sebe hlatshwe ijekiseni lakuqala lokuzivikela kuCovid 19, eleVaccine, kusitsho ukuba sebesedlula izigidi ezimbili – 2,345,343 asebehlatshwe leli jekiseni okwakuqala. Kuthi abazinkulungwane ezingamatshumi amabili phose lantathu -22,886, abahlatshwe ijekiseni lesibili bengeze leli inani ukuze lifike phose isigidi lengxenye-1,483,048.

Uzulu koBulawayo ukhala ngodubo lokutshontshwa kwentambo zamandla kagetsi ethi lokhu sokudale ukuba lelidolobho lihlale lisemnyameni njalo kwengeza amathuba okuntshontshelwa ezindlini.

EleZimbabwe litholiswa amadollar aphose afike ibillion eMelika- US$961million ngaphansi kohlelo olwe Special Drawing Rights (SDRs) evele kwabe International Monetary Fund. UMphathintambo wezemali uthi enye yale mali izasetshenziswa kwezempilakahle, ezokulungiswa kwempahla kanye lezokulima.

Osomabhizimusi bathi inhlelo zokwenqabela iCOVID 19, kanye lokusilela kwemali elizweni sokubuyisele emuva imisebenzi yabo.

UMongameli wesikhombisa wakweleZambia, uMnu Hakainde Hichilema namhla ufungiswe ukuqala umsebenzi wokukhokhela lelo lizwe ngemva kokunqoba kukhetho oluqhutshwe ekuqaliseni kwalinyanga. Uthembise ukuguqula umbuso we Zambia lokuthengiselana lamazwe awezekwazi le Africa.

Umdlali wenguqu olodumo uGeorge Shaya akasekho.

Ku Livetalk namhlanje kuhlelo “The Connection” sikhangela ukuqansa kwenani lababanjwa yiCovid 19 kanye lodubo lokwendiswa kwabantwana abangantombazana besese bebancane iEarly Child Marriages eZimbabwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG