Uhulumende uthi usezoqhuba inhlelo zokuhlaba abantwana abaleminyaka esukela kwelitshumi lane kusiya kwelitshumi lasikhombisa ( 14 to 17-year age group ) ijekiseni eye Covid 19 Vaccine.
Inhlanganiso ezimele ababalisi zithi izikolo azikalungiseleli ngokugcweleyo ukuvula, bethi leli nyathelo lokuvula lijume ababalisi kanye lezikolo ikakhulu labo okumele bahambe bayefunda behlala khona amaBoarding Schools. Kuthi abazali bathi izikolo zifuna abantwana babuye ezikolo behlawule ngokugcweleyo.
Ngokutshona kwelanga layizolo kulabantu abazinkulungwane phose amatshumi amane – 39,897 abakade sebe hlatshwe ijekiseni lakuqala lokuzivikela kuCovid 19, eleVaccine, kusitsho ukuba sebesedlula izigidi ezimbili – 2,422,256 asebehlatshwe leli jekiseni okwakuqala. Kuthi abazinkulungwane phose ezingamatshumi amathathu - 28,853, abahlatshwe ijekiseni lesibili bengeze leli inani lisiya kwabaphezu kwesigidi lengxenye-1,535,298.
Abezombusazwe sebethandabuza ukuthi kanti kungani ilizwe lingaqhubi ukhetho lwama by elections lisithi ngoba kulobhubhane lwe Covid 19 amanye amazwe afana le Zambia esiba lokhetho?
Sebefikile abe Zimbabwe abaphindiselwe ekhaya nguhulumende weleBhilithani ngemva kokuvalelwa ejele ngamacala ehlukeneyo.
Ku Livetalk namhlanje kuhlelo “Asiyihluzeni Bomama” sikhangela okwenziwa ngabesifazana ukumelana leCovid 19.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.